മരണം
ജീവനൊടുക്കാൻ എളുപ്പമാണ്‌
എന്നാൽചത്തവർക്കേ അറിയൂ
മരിക്കാനാവാത്തതിന്റെ ദുഃഖം.
പേടി
മണ്ണാങ്കട്ടയ്ക്ക്‌ മഴത്തുള്ളിയേയും
കരിയിലയ്‌ക്ക്‌ കാറ്റിനേയും
എനിക്കു നിങ്ങളെയും പേടിയില്ല
എനിക്കു പേടി എന്നെയാണ്‌ .
മതിൽ
രാത്രി,
പകലുകൾക്കിടയിലെ മതിലാണ്‌
മുഖം, എനിക്കും നിങ്ങൾക്കുമിടയിലെ മതിലാണ്‌
മതിൽ ഒരനുഗ്രഹമാണ്‌
ബന്ധങ്ങൾ
ഞാൻ - ഒറ്റ
നീ – ഒറ്റ
നമ്മൾ - ഒന്ന്‌
ഞങ്ങൾ - വേറെ
പ്രണയം
ഞാനെപ്പൊഴും ഒറ്റയ്ക്കു നടക്കുന്നു,
നീയും,
നമ്മളും.
